O presidente do Tribunal Superior de Xustiza, Miguel Ángel Cadenas Sobreira, presidiu hoxe o acto solemne de xuramento-promesa ante a Sala de Goberno da nova xuíza destinada a Galicia procedente da última promoción da Escola Xudicial.

Cristina Bustabad Pérez, da 66ª promoción da Escola e con praza como xuíza de apoio na provincia da Coruña, foi destinada ao Xulgado de Instrución nº3 de Santiago, órgano onde se investiga o accidente do Alvia, ademais de ser o competente en violencia sobre a muller.