O novo Fiscal Xeral do Estado, José Manuel Maza, prometeu o seu cargo ante o Rey nun acto celebrado hoxe no Palacio da Zarzuela. Na cerimonia estiveron presentes o presidente do Goberno, Mariano Rajoy, o presidente do Tribunal Supremo, Carlos Lesmes, e o ministro de Xustiza, Rafael Catalá, quen actuou como Notario Maior do Reino. Mañá tomará posesión do seu cargo nun acto que se celebrará no salón de plenos do Tribunal Supremo.
José Manuel Maza Martín é licenciado en Dereito pola Universidade Complutense de Madrid desde 1973 e catedrático de Historia Medieval. Foi avogado de Renfe e é fiscal en excedencia desde 1978. Así mesmo, posúe diploma en Criminología pola mesma universidade. Accedeu ao Tribunal Supremo como maxistrado da Sala Segunda en 2002, nomeado polo Consello Xeral do Poder Xudicial. Anteriormente, fora xuíz decano en Madrid e ocupara a titularidade de xulgados de instrución en Alcorcón (Madrid), Valencia e Cangas do Morrazo (Pontevedra).
