Xoves, 21 Xullo 2016 18:26

O Poder Xudicial prorroga o reforzo para os xulgados do Social da Coruña

Escrito por DXustiza
Valora este artigo
(1 Voto)

 

A entrada de asuntos foi moi elevada en todos os períodos analizados, o que se tivo en conta para acordar a medida.

A Comisión Permanente do Consello Xeral do Poder Xudicial aprobou na súa reunión de hoxe manter o reforzo nos xulgados do Social da Coruña. Acordouse unha comisión de servizo por seis meses con remuda de funcións a favor de Javier López Cotelo, titular do Xulgado de Primeira Instancia número 3 de Ourense.

A medida fundaméntase na evolución e situación dos xulgados do Social coruñeses. A entrada media de asuntos foi moi elevada en todos os períodos analizados: 155% en 2014, 145% en 2015 e 125% no primeiro trimestre de 2016, respecto ao indicador de 850 asuntos.

Malia que a dedicación media destes órganos xudiciais foi moi superior ao módulo establecido en todos os períodos analizados: 165% en 2014, 164% en 2015 e 150% no primeiro trimestre de 2016, a pendencia mantense moi elevada, situación que se tivo en conta para acordar a medida.

Os xulgados do Social da Coruña contan cunha segunda maxistrada de reforzo, tamén en comisión de servizo con remuda de funcións, desde marzo deste ano.

 

Deixa un comentario

Asegúrese de introducir toda a información requirida, sinalada cun asterisco (*). Non se permite código HTML.

Top